翠林大排檔

昨晚一行八人去了屯門翠林大排檔食晚飯，因為有朋友生日，加上今次招集人話這大排檔的小菜唔錯的， 所以決定黎一試，今晚的菜式係朋友一早同大排檔夾過的，我們班朋友都相識超過十幾年的，但竟然第一次才同KK慶祝生日，真係有些唔好意思heehee，所 以搞手話要食餐好的，當晚的菜式有手撕雞、杞子虫草花魚肚浸菜、六加一、魚湯豬肚浸勝瓜、金銀蛋莧菜、椒鹽鮮魷、蒜蓉粉絲蒸元貝、薑蔥炒肉蟹、鮮炸生蠔、清蒸大花星班、葯膳燉山瑞，飲品有紅酒、啤酒、紹興酒、二十幾年自釀梅酒(朋友珍藏)，張單就搞手一早埋了，死都唔收我地錢，咁我們只好出蛋糕啦......

非常大排檔，每張檯都係排在行人路上，不過現場非常涼快

等緊起菜，好鬼肚餓啊......

餐前小食炸花生，剛剛炸起熱辣辣，好鬼正

葯膳燉山瑞

d湯非常之清，燉了幾個小時架，可惜jackle唔飲得，有得睇冇得食hahahaaa

我當然要個掌啦

老婆要裙邊，骨膠原萬歲，湯頭非常之甜，陣陣的葯膳味，加上燉了幾個鐘，d肉質極之嫩滑，而且好膠質，個咀邊飲邊黐住，正啊

蒜蓉粉絲蒸元貝:元貝蒸的時間剛剛好，肉所唔會韌，粉絲非常入味

薑蔥炒肉蟹:我好欣賞個廚師，點解？因為炒得唔會好油，薑蔥炒得好香，但醬油又不會搶到蟹的鮮味，好味

鮮炸生蠔::平時在街食的通常都好厚粉，但這碟竟然有驚喜，外層炸得好鬆化，非常滑喉，唔洗點咬，都會散開晒，d生蠔還保留得很鮮很軟滑

手撕雞:雞撈得非常入味，加上大量的芝麻和青瓜令到味道更豐富更有層次感，肉質唔會粗糙，但輕輕老左dd，但完全可接受

裡面竟然內藏又長又脆的海哲，食得很過癮

六加一:雖然唔知個名，裡面的材料亦普通，但老闆用上湯黎煮，顯得有點誠意

杞子虫草花魚肚浸菜:魚肚煮得很好，一點腥味都無，加上虫草花口感非常好

魚湯豬肚浸勝瓜:豬肚係新鮮貨，完全無雪藏味架，湯底有魚湯及少許胡椒，特別係勝瓜，吸收晒湯的精華，點會唔好食呢？

椒鹽鮮魷:這碟就有點失色，因為有鮮魷筒，可能較細條，所以一炸就變硬......
金銀蛋莧菜:唔記得影

到了今晚的好野出場，搞手特別搵熟人搵到條三斤幾重的野生大花星班

真係唔少野架

好彩廚師無浪費到這條大花星班，蒸的時間算好，因為咁大條真係幾難蒸，呢條魚既肉質超級有彈性，特別係層皮，野生魚真係特別唔同，魚味都濃很多

老婆揀的2磅蛋糕
因為當晚很盡慶，班朋友飲左唔少酒

啤酒X2支

紹興酒

紅酒X3支

二十幾年自釀梅酒(朋友珍藏)

成四十幾度酒精架

我就飲可樂好了