莆田 PUTIEN

前排一行四人去了荃灣廣場莆田PUTIEN食晚餐，因老婆突然想食福建菜，但對我黎講由細食到大，無咩大吸引囉！我們唔洗等太耐就有位，睇完餐牌就點了酥炸蟶乾、溫湯羊肉、香拌海蜇花、砂鍋紅糟雞、莆田扁肉湯、砂鍋魚湯、興化米粉、芥菜粥，埋單$757蚊.



餐前小食



香拌海蜇花:海蜇都幾脆口，味道中規中矩



溫湯羊肉:呢個羊肉堅好食，羊味十足，肉質咬落很嫩滑，真係唔錯，係份量少些！



酥炸蟶乾:蟶子炸得幾好，唔會炸到太乾，味道幾鮮甜



莆田扁肉湯:扁肉都幾鮮，皮亦很薄，唔錯



興化米粉:興化米粉配海鮮真係一絕，無論用湯或炒都係咁好味，但這個我覺得炒得唔夠好，因米粉未吸收海鮮的味道，有些失望



砂鍋紅糟雞:呢個紅糟一睇就知唔合格，顏色唔夠鮮紅，酒味唔香，都係阿媽煮得最好食，連酒糟都係自家釀的^^



芥菜粥:又係一般般，因芥菜放得唔夠多，味道亦唔凸出！



砂鍋魚湯:一人一碗，睇得出很足料去熬，湯頭有魚味而不腥



單據