今早九點幾出發去食早餐
地鐵站就在酒店外面，超級方便
台北地鐵站同韓國都幾相似，又係要行一段樓梯，不過每個站都有洗手間提供，幾貼心
第一站係赤峰街，我們在中山站5號出口
赤峰街這帶都係回收及維修車零件的舖比較多，行就沒什麼特別
很容易就搵到The Food西式早餐店
店裡的裝修簡潔，但有青春活力，因為幫襯的都係年青人較多heehee
我們坐在覓雪果張櫈，因為這位置可以望住街景
先看看餐牌先，之後點了兩個早餐盤，分別係德國腸同挪威煙燻鮭魚可頌，地瓜黑糖牛奶、香蕉芭樂牛奶，埋單$NT550蚊.
地瓜黑糖牛奶:地瓜同牛奶味道比想象淡
香蕉芭樂牛奶:我無試，老婆話好飲
平時我對沙律都麻麻地，不過這沙律反而我會喜歡，因為沙律加入了芥辣，食起來比較清新，德國腸很脆皮，麵包都好軟熟，唔錯
炒蛋比較濃郁，應該係用土雞蛋
挪威煙燻鮭魚可頌:牛角包外層好脆，鮭魚好新鮮
望住藍天白雲歎早餐，好耐都未過咁休閒了
睇下我們食得幾開心^^
食飽後就四周行下
赤峰街一帶有不少有趣既塗鴉圖畫
所以要大家去發掘
我們慢慢行到去雙連站，出發去上引水產
我們在中山國小站落車
大概行了20分鐘路程就到達上引水產
不過我先去隔離水果批發市場
裡面有很多水果檔，不過賣的都差不多
我在某一檔買了兩個柚子同熱情果
之後就去上引水產
地圖
這裡有冰鮮海產同活海產選擇，不過蟹料都係選擇活的才最好，死蟹肉質同味道都會相差很遠
生蠔
帶子
現場有專人幫客人處理海鮮
不過活海價錢都唔算吸引！
除了海鮮，其實裡面亦像一個小型超市
不過今次我們係想食壽司，之前聽朋友講到又新鮮又抵食
我們都要等了大概20分鐘才有位，不過現場係多人，但應該唔算很誇張
睇完餐牌後，就點了貝類盛合壽司、特選握壽司、油鮪魚蔥花細卷、蜆湯，埋單$NT1232
貝類盛合壽司:貝類確係新鮮，貝類有口感又鮮甜
油鮪魚蔥花細卷:質素好明顯比香港普通的壽司店好，咬落係食得出鮪魚油脂既香
特選握壽司:壽司種類都有幾種，不過質素唔算很高，不過以這價錢算不過不失
同老婆黎個自拍先
九孔鮑味道都幾濃
三文魚味噌湯
蜆湯
單據
食飽後就出發去花博公園
不過在上引門口先買杯果汁飲下先 
台灣鳳梨好出名的，所以點了杯鳳梨烏龍，我見檔主落了好多鳳梨
係幾好飲既，但可惜無隔到渣呢！一路飲就一路吐d渣出來......
在途中經過國防部
行下行下就到達花博公園
裡面看似幾多野睇，但原來很普通的！
創意市集好細，賣既野好普通
美食廣場，款式都幾多
亦有些麵包店同咖啡店
行了一陣，我們就在美食廣場坐低休息下
買了碗好普通的豆腐花，口感差、味道差、整體都差
買了杯柚子綠茶，普普通通啦
之後就出發去孔子廟
途經大龍食街
這個就係孔子廟
裡面會講解孔子的一生，睇完後就去保安宮
穿過鄰聖苑牌樓
下面就係保安宮
其實我覺得台灣既廟宇裝條很浮誇，d雕刻、雕像、圖畫簡直花多眼亂，同平時的廟宇好唔同
台灣人都比較迷信，好多很誠心的人黎求拜，所以都值得黎參觀一下
之後我們出發去食晚餐
又係經過大龍夜市
話咁快就到達牛老大涮牛肉承德店，我們一早已打黎訂了檯
餐牌
這裡出名食本地溫體牛，看到牛肉很新鮮
一入門口就已聞到很濃的牛味，很湯底好似幾對版喎(其實騙人的)
這係兩人檯，係咪好細張呢！
我們點了清湯底、台灣牛舌、台灣牛肉、牛肉炒通菜，埋單$NT1144蚊
清湯底:裡面已經有好多食材，全部係蔬菜多，但個湯底非常之淡，同頭先聞到的係兩回事！
台灣牛肉:色澤都幾討好，新鮮台灣牛都係第一次試
牛肉很嫩，一點都唔韌，而且牛味都幾濃
牛舌好厚切，咬落好嫩，唔錯
蘿蔔有渣既！
牛肉炒通菜:見到差唔多每檯都點，所以我都點了一份，通菜又幾脆口喎，牛肉輕輕炒一下就起，而且食到有些沙茶醬的味道，但其實這碟菜都係偏淡的
大合照
單據
食飽後就搭車返忠孝復興站
我們去SOGO逛下，不過主要係逛熟食區
好多好靚既蛋糕同蛋卷
亦有麵包店
小丸子芝士蛋糕
不過我們目標係在5樓的UZNA OMOM 杏桃鬆餅屋，這店人氣非常高企的，所以一定要黎試試
這個係季節限定發售
我們點了蘇芙蕾厚鬆餅、抹茶蜜柑和風鬆餅、玄米茶、冰蘋果果茶，埋單$NT704蚊
抹茶蜜柑和風鬆餅:賣相很美觀呢，十勝紅豆蓉很順喉，抹茶同奶油都係用日本材料，所以咁認真的出品點會唔好食呢heehee
蘇芙蕾厚鬆餅:原價係$NT220一個，但加$NT30蚊就多一個，所以點都要加啦，咁著數，而且這髮餅係即點即焗即食
鬆餅口感真係超軟熟，而且面頭有一層好脆脆的，蛋味超濃
這個係加了蜜糖，同樣咁好食
玄米茶:好香
冰蘋果果茶:底部有很多蘋果蓉，都幾唔錯
自拍合照，睇下我們幾滿足
單據
食飽後就行返酒店休息
沒有留言:
發佈留言