地鐵依然很冷清
今早我們去東門市場食早餐
黎得東門市場，一定會黎試下個米粉湯，這裡分別有兩間，分別係黃媽媽及羅媽媽
湯頭用豬骨去熬制的，但係我覺得羅媽媽同黃媽媽係一齊聯營的感覺，因為招呼我同收錢的係羅媽媽人人，但坐同食物就係黃媽媽的！
圖中所講的油膏真係幾唔錯的，加了會好味很多
其實這裡多數係食內臟多，好彩我們都愛食heehee
我們叫老闆有咩好介紹？老闆就介紹我們點兩份黑白切，原來黑白切即係樣樣都有些，但一份唔可能全部款式都有，所以我們就點兩份，然後湯米粉X3、黑白切X2、油豆腐、燙青菜等等，埋單NT$355蚊
湯米粉:純粹嘗到豬骨味既湯頭，味道亦比較淡的
油豆腐:都唔錯
黑白切:d內臟真係處理得好好，完全無腥味的，真係好新鮮好正
燙青菜:無特別
黃媽媽對面就係東門城滷肉飯，又係好出名的，問了老闆係可以點過黎堂食，所以點了一碗試試
東門城滷肉飯:我試了一淡，心諗中伏了，滷汁唔香濃，味道偏淡，真係平平無奇！
食飽後就在市場裡面行一圈啦，其實我們在找立吞壽司，點知生果店老闆講，因為昨天打風，所以無貨送黎，休息一天，咁都無計架！所以就睇下阿婆婆有咩生果賣先^^
點知見到有巨峰提子賣，而且粒粒都好飽滿，係日本岡山進口的，我們咪問下價錢先，阿婆開價NT$1000蚊，我話我們咁有緣，可唔可以再平些啊？最後講價到NT$800蚊，成交heehee
呢間興記水餃咪就係林青霞最喜歡幫襯果間囉
好大隻公雞啊
呢間東門江豆腐花又係好出名的，反正黎到，無理由唔試下架！我們點了豆腐花X2、豆漿，埋單NT$140蚊
豆腐花:台灣人食豆腐花喜歡加入花生一齊食，但朋友講d花生好唔掂！
至於豆腐花就，同香港真係無得比，入口比較粗糙，豆味亦淡，真係失敗啊
豆漿:好彩原來豆漿都幾好飲，加返小小分啦
之後慢慢行去永康街那邊，因為路程唔太遠的
呢間手抓餅又係咁多人！真係唔明白咁普通既餅都咁多人排！
次次都想試這間刨冰，但最後都係無試到！
反而買了個烏苺汁同芭樂汁，不過都係一般般！
行過這間賣襪既，氣墊專家咁厲害，買幾對試試先
行過見到這店賣茶葉同器皿的，器皿係用岩礦石做的
我對呢幾粒小磚比較有興趣，把它們雪凍當冰用，但就唔會影響d飲品味道，好像幾吸引
呢些產品特別多日本人睇
行行下見到前面有間超市，外面咁熱，都係入去涼下先
點知俾我發現到好野，呢隻杯麵香港賣成$20蚊架，但這裡就一半價錢就有交易^^
我就掃了一箱，分別係花雕雞同麻油雞各半打^^
順便買支茉綠奶茶試下先，原來幾好飲，味道幾清香
午餐我們去鼎泰豐，因為朋友未試過嘛！
食飯時間真係頂頂頂喇！
拿了張票等下囉！不過都唔算等太耐就有位
點單紙
整包師父們都幾多人下
我們坐低後，就點了小籠包、蟹粉小籠包、酸辣湯、燉雞湯，賣單NT$957蚊
蟹粉小籠包
味道都唔錯，不過唔係我最愛
小籠包:咁這間小籠包又真係幾得既
燉雞湯:老婆必點
酸辣湯:味道比較普通
單據
食飽後，我們過了對面馬路，沿住條馬路直行，行經這間生果店
見到又有文旦買喎，NT$100蚊三個，抵啦
即時掃了三個先^^
生果店對面係藥房，本來想買痱滋貼的，點知無我想要的牌子，但又發現有包住手指頭既藥膠布，還要係意大利入口，價錢又唔貴喎，他們掃了幾盒！
果頭食完鼎泰豐，呢頭見到老鄧擔擔麵門口飄出陣陣香氣，所以決定入去試下先
個擔擔麵有無咁多料啊？真係好懷疑！
點單紙
近門口就係廚房，唔怪得咁香啦
唔好意思，我們又包場喇，到底係咪好事黎架？定會中伏架？
洛神花茶:先整杯黎解下渴先，又幾好味喎，濃度適中，味道又幾天然喎，唔錯
之後就點了洛神花茶X3、紅燒蹄花麵、紅燒蹄花、擔擔麵、燙青菜、炸醬麵、紅油抄手，埋單NT$520蚊
燙青菜
紅油抄手:這個抄手真係好唔錯，細細粒一口一個好方便，特別係個紅油醬，調得剛剛好，味道好突出，雖然係幾紅，但唔會很辣
擔擔麵:很一般，可能我唔喜歡麻醬
紅燒蹄花麵:這店既麵質都唔錯的，但估唔到這蹄花竟然係班團友贊得最多，他們講比富霸更好喎，係咪咁誇啊？我覺得味道係唔錯既，其實兩者差唔多啦
炸醬麵:賣相都幾討好既
我就負責撈勻
他們都講唔錯，肉醬味道很順喉，濃度適中
紅燒蹄花:這個係追加的，團友講唔夠食喎！
單據
食飽後，就返酒店食下文旦，順便沖個涼休息陣
之後出發去食冰，ice monster就在酒店附近，應該講果晚醉麻辣附近
見到咁長龍都知唔係普通冰啦
講到咁誇啦啦，我真係唔多相信
又係CNN全球十大甜點喎！
還有雪條賣的，不過我無興趣
好喇，終於排到隊入黎，坐低後就點了芒果刨冰、咖啡刨冰、士多啤梨雪芭，每人有最低消費NT$120元的，埋單NT$640蚊
士多啤梨雪芭:酸酸地，無咩特別，但個士多啤梨超酸囉
咖啡刨冰:我們都覺得咖啡味係最好的，味道又夠濃
芒果刨冰:其實係雪花冰口感係幾幼細的，但個芒果醬就比較一般，最火滾就係d芒果粒，完全係雪到壞左，一點芒果味都無，真係超級中伏！
之後在附近繼續行街購物
有無搞錯啊？三個人同時睇中同一款！我暈喇，唔係有折我都唔會買啊！hahahaaa
行下行下又夠鐘去醫肚，今晚期待已久既燒肉晚餐，今次選擇去大阪燒肉雙子Futago，而且一早訂定位了^^
我們隔離檯係日本人，一家三口，雖然言語不通，但都有些交流
啤酒唔0岩我
都係飲茶比較好
其實這一年共去了台北三次，每次我都想食烤肉的，但次次都無緣，第一次訂好晒胡同燒肉，點知班機延誤錯過了，所以今次我就堅持一定要食一餐，而且大阪燒肉價錢比較合理，特別係員工既服務同態度，真係一流，你唔會覺得他們係職員，我感覺像朋友一樣，一邊傾計一邊幫你燒烤，店裡既氣氛一流，好值得推薦
我們睇完餐牌後就點了巨無霸橫膈膜、厚切豬五花、上等豬頸肉、厚切牛舌、牛肩肉、特選扇子肉、壺漬特製調味牛肋肉、韓式烤雞肉、雞軟骨、上等豬頸肉、小黃瓜一本漬、一口冷麵、特制馬鈴薯沙拉X2、埋單NT$5368蚊
小黃瓜一本漬:青瓜要黎解下d油膩，所以必點
特制馬鈴薯沙拉:老婆讚好味，所以追加多一客
厚切牛舌:牛舌真係厚切先食得過癮，厚到成塊牛扒咁，肉質咬落好嫩架
牛肩肉:肩肉牛味都幾濃，唔錯
上等豬頸肉:上等我覺得比平時食的有彈性些
巨無霸橫膈膜:其實橫膈膜部位比較少，所以特別多人喜歡，因為我們特別喜歡肉質又嫩又有彈性，呢種質感係一種享受
壺漬特製調味牛肋肉:學足韓牛咁，壺就細細，點知拉出黎既肉係咁大塊，都幾抵食，肉質唔洗多講啦
厚切豬五花:我對豬肉一向唔多追求，不過呢塊五花肉都唔錯
呢個係點五花肉既醬汁
韓式烤雞肉:肉質好粗糙，唔掂！點會俾雞胸部份架......
特選扇子肉:肉質咬落好嫩，唔錯
呢個我都唔記得！
一口冷麵:無試
雞軟骨:好脆口，好味
呢杯乳酪係送的，唔錯架
單據
食飽後，又繼續行街買野
我就睇中了呢對
團友就買了呢對，香港好像還未有這個款
老婆就在選擇左定右好！
買完野後，我們出發去寧夏夜市繼續食
現場都幾多人，可能今日停工既關系
宜蘭三星蔥肉捲:其實我都唔想買黎試，因為肉捲真係即燒即食才好，但這檔就燒定鬼咁多，你估自已係排隊檔咩！食落已經凍晒，肉質又硬又實，真係整衰自已招牌！
呢檔魷魚羹係我既最愛
魷魚真係生炒架，唔係用滾水灼的那種，特別個芡汁調得好好
魷魚份量超多，而且每塊都幾厚肉，超正
今次蚵仔煎試下圓環邊，又係老店喎
睇落好似幾好，但係咪真的好味，要試過先知！
我們坐低後，就點了蚵仔煎、蚵仔湯、蒜味鮮蚵，埋單NT$280蚊
蚵仔湯:蚵仔就多喇，但出唔到味
蚵仔煎:原來賣相真係唔代表好食架......，下次都係食返賴記算了！
蒜味鮮蚵:食唔出有幾鮮！
單據
本來想試蔥餅捲，但團友們無咩反應，咁就下次先再試
這檔牛媽媽，我主要黎食牛雜湯同沙茶牛肉炒通菜兩樣野
牛雜湯:碗湯都幾多牛肚，而且啖湯幾濃牛味，唔覺係味精湯，飲得過
沙茶牛肉炒通菜:快炒牛肉既時間控制得好好，肉質嫩滑，唔錯
食飽後就回酒店休息
回到酒店當然要品嘗下d巨峰提子啦，粒粒都好飽滿架
睇下幾大粒
朋友剛去完大阪，他講在大阪食既巨峰都無今日買的好味，青甜多汁，最緊要係無藥水味架，超正
沒有留言:
發佈留言