2016年6月10日星期五
2016年7日6夜台北勁飲勁食勁爆磅歎美食之旅-day4
今日訓醒後就出發去師大
早餐去了hi,日楞RYOU CAFÉ早餐,這店既食物很注重健康
店裡亦有些土產賣
環境都幾舒適,還可選擇坐地下
一坐低後,職員會每人免費送一小杯黑糖薑茶,味道幾好架
睇完餐牌後,我們就點了日楞醬降吃、大麥豬嘻哈蛋堡、放鬆雞三文治、姑姑叔叔太陽餐、心頭軟法式吐司、漂浮冰咖啡、冰滴咖啡X2、蜂蜜桂花釀X2、蔗香可可,埋單NT$1920蚊
姑姑叔叔太陽餐
日楞醬降吃
放鬆雞三文治
大麥豬嘻哈蛋堡
心頭軟法式吐司
冰滴咖啡
蜂蜜桂花釀
漂浮冰咖啡
蔗香可可
單據
其實如果喜歡食西式健康早餐的朋友會覺得幾好,因為味道唔會很濃,以簡單新鮮健康食材去配搭,不過我就唔多喜歡食草的!
食飽後,就在師大附近行下
途經一間很唔錯的麵包店,不過已食飽了,所以睇下就算
呢間蛋餅店好出名架,不過今晚先黎試
好多店都未開,應該主要做夜晚,所以決定食d野就離開
我們去了師大台南鱔魚意麵,這店的鱔魚比較有名,然後點了一份生炒鱔魚、蚵仔煎,埋單NT$260蚊
生炒鱔魚:鱔魚切得幾大塊,份量都ok,個醬汁幾惹味下,鱔肉咬落有點脆,又無腥味,唔錯
蚵仔煎:睇到咁既賣相都知中硬伏啦,真係差到呢!
食飽後,其中一個團友要離隊,要去探望香港移民到台灣的朋友,重要去食無老鍋添!朋友講無老鍋湯底好正、豆腐、鴨血好食,牛肉又貴又唔掂喎!
我們就繼續飲飲食食,其中龍涎居係飲藥膳湯的
其中土雞都好出名架
睇完餐牌後,就點了何首烏土雞湯、牛奶埔土雞湯、麻油金菇、日式海帶,埋單NT$490蚊
麻油金菇:麻油味唔太重,醬油都幾淡下
日式海帶:口感比較腍
何首烏土雞湯、牛奶埔土雞湯
何首烏土雞湯:湯頭味道好溫和,唔會好濃藥味,裡面材料都幾多架
牛奶埔土雞湯:雖然唔知牛奶埔係乜,不過又幾好飲喎
單據
食飽後出發去龍山寺
由地下街行過去就無咁晒
龍山寺1738年興建,歷史就唔多講喇
這裡香火鼎盛,雕刻華麗,求財、事業、學業、姻緣咩都有,所以很多人都黎誠心求佛
參觀完龍山寺,又夠鐘去尋美食
在附近有間開了幾十年的老店,叫做營養橋下蚵仔湯
這店賣既貴精不貴多,專注做幾款蚵仔食物
呢些蚵仔產自東石,那裡的蚵仔出名夠鮮夠肥美,真係比一般既蚵仔飽滿架,而且每日早上新鮮運到,我們點了蚵仔米粉、蚵仔麵線、蚵仔湯、乾蚵,埋單NT$250,真係抵食
蚵仔麵線
蚵仔米粉
蚵仔湯:湯頭加了些九層塔香草,但都唔到搶到蚵仔既鮮味,這個湯非常好飲
乾蚵:我朋友係蠔精,一邊食就一邊贊hahahaaa
食飽後又在附近遊一遊先,呢間星巴克一睇外表就知唔係普通建築物啦
我好奇過去睇下這棟建築物,原來叫萬華林宅
參觀完都想飲一杯咖啡,但一想到一陣要不停食,所以就忍忍口
呢間店係我們行過,見到大大個招牌賣魷魚羹,又係老字號,咪被引了入去試試
兩喜號創於1921年喎,應該唔太差啦?我們坐低就叫了魷魚羹、現炸土魠魚塊、油豆腐等等
現炸土魠魚塊:其實唔知係咩魚,好奇去點黎試下,一嚐之下發覺魚味比較淡的,加上個粉漿有些硬,一般般
油豆腐:沒特別
魷魚羹:比一般既羹更加杰了些,味道偏甜了些,魷魚都可以,魚滑有點實,麻麻地!
之後我們去返師大
這間平安京茶事係專食綠茶產品的
門口都佈置成個藝園咁
乜入內幫襯都有些規矩架!內容大概講平日每人最低消費要NT$300+10%服務費,18:00後就每人NT$150+10%服務費,週六、日、假期就NT$450+10%服務費,18:00後就每人NT$300+10%服務費,用餐時間平日1.5H/假日2H,又要唔可以大聲傾計等等
餐廳內既環境,還有些包箱間的,睇完餐牌後,我們點了抹茶泡芙X2、紅豆泡芙、抹茶箱淇淋泡芙、抹茶蛋糕片、抹茶千層蛋糕、綠樹奶霜珍珠抹、茶拿鐵,埋單NT$1375蚊
抹茶蛋糕片:我最喜歡咁多餡既蛋卷,睇見都知吸引啦,中間既綠茶奶油打得夠滑,緣茶味好順喉,真係一分價錢一分貨
抹茶泡芙、紅豆泡芙、抹茶箱淇淋泡芙
紅豆泡芙:紅豆茸好多,唔會好甜,都OK
抹茶箱淇淋泡芙:泡芙個外皮整得唔錯,雪糕其實就無咩特別,只是想試試
抹茶泡芙:三個之中,呢個係最好味,所以追加多一個,因為抹茶餡真係好嫩滑
抹茶千層蛋糕:個皮做得好薄,咬落好舒服,最怕有粗糙既口感
綠樹奶霜珍珠抹:其實食到呢刻,我滿口都係綠茶味,但都唔會有澀既感覺,食到咁多美味既綠茶食品,真係好滿足啊
單據
到了入夜,成個師大都好多人流,因為街舖都開齊了,同早上好唔同
她們就不停買衫,價錢又平,款式又唔錯,我就睇下有乜好野食
我在師大見到有兩間鹽水雞,其中雞房重地就貼出告示話要搬,我就無幫襯到,相中係極品鹽水雞
到底有幾極品?我就排隊買了一試,雞肉比較粗糙,唔得皮脆肉嫩,味道就OK
呢間係賣一串串食物,點好後就放入滷水鍋灼熱,我就無試,但好多人幫襯
我反而試了綜合蛋餅捲,又係好多人排隊,要等十五分鐘才有得拿,不過味道真係唔錯,個蛋餅好食
呢檔鹽酥雞又係好出名,好多選擇
我就點了魷魚鬚、鹽酥雞黎試試,一試鹽酥雞就覺得好中伏!雞肉好粗糙,粉漿又炸得差,我唔明有乜咁好食?味道又唔係好喎,成袋除了魷魚鬚食得晒,雞係倒掉的!
許記生煎包係無肉汁的,唔吸引
望落都唔吸引
呢間泰國雞扒係炭燒的,而且燒完還保留好多肉汁架
食得咁開心,就知唔錯啦
師大行程終於完成,女仔買衫褲係唔錯既選擇,食野都OK,但一定要晚上黎
我們返到去忠孝敦化,今晚宵夜去惡犬食堂
這店既一夜干係比較出名架,所以我們特意黎品嘗,坐低後就點了月見蔥花鮪魚飯、鮨邊壽司、蔥花鮭魚捲、青甘下巴、竹莢魚一夜干、喜知次一夜干、炸豆腐、柚子啤酒、柚子酒、可樂,埋單NT$2560,呢餐特別鳴謝阿盛請客^^
柚子酒:團友講好好飲,酒精唔太高,但柚子味好香濃
柚子啤酒:另一個團友講,啤酒相對無柚子酒香,所以識飲一定要飲酒HEEHEE
月見蔥花鮪魚飯
鮪魚油花唔算好靚,不過個飯係選用日本的,而且個紫菜係好脆架,唔會腍晒的那種
鮨邊壽司:呢個係我們既至愛,油份好重,但果種入口即溶齒頰留香,不過呢度食比較貴!
蔥花鮭魚捲:我無試
竹莢魚一夜干:聽講係自家制的,肉質經過鹽水浸泡、風干後變得扎實,咸度適中,唔錯
炸豆腐:豆腐好滑滑,唔錯
青甘下巴:好麻麻,烤得太干了!
喜知次一夜干:喜知次相信好多人都知道,係日本既貴價魚,因為魚本身油份好重,我一夾已見到魚油漏出黎,肉質咬落比較嫩,好正,最重要係NT$480一條咋!
單據
之後行下行下個肚又有點想食野,行經楊記大餛飩就入去再食過
炸菜肉絲麵:炸菜同肉絲都好多,不過我唔記得叫幼麵......
老婆要紫菜水餃;,每一粒都好大架,蝦又多,真係平靚正
通菜:我最愛
訂閱:
發佈留言 (Atom)
沒有留言:
發佈留言