泰廳

前晚朋友約在元朗食晚餐，朋友想食泰國菜喎，我話無問題，最後他選擇了泰廳，應該係比較新的泰國餐廳



我們坐低後就點了泰式肉碎生菜包、泰式酸辣鳳爪、無骨海南雞半隻、原個椰青海鮮焗飯，埋單$326蚊



泰式肉碎生菜包:肉碎加了薄荷葉去炒，味道好清新又唔油膩，而且肉碎亦無炒到過火，有肉汁有口感，如果再炒乾身些就更好，生菜亦非常新鮮



泰式酸辣鳳爪:鳳爪非常少，而且唔夠凍同唔夠入味，但嚐得出個醬汁係唔錯的



無骨海南雞半隻:雞浸得唔錯，肉質夠滑，只係我覺得個醬味道怪怪地，唔太合我口味



原個椰青海鮮焗飯:賣相擺到咁，我都唔知點入手好！海鮮唔太多！青口好韌！然後得幾塊魷魚X2、蝦X2、魚塊X1，最把鬼係面頭既椰絲，焗完之後像放了木碎入口咁！一係就用新鮮椰絲放在面咪算囉！真係好嘛嘛



單據

另外這店出餐時間太長了，當晚雖然算幾爆，但因餐廳唔太大間，人亦可接受，但真係要改善出餐時間！