去F中華航空櫃檯辦理手續，然後就過關
鐘意搭華航係因為班次夠多，又可後補上機，價錢又合理，都幾唔錯
次次星巴克都勁多人排隊，無得再選擇，只好排下啦！
準時夠鐘登機
今次麵包麻麻地，無上次好味！
睇下愛玩客，話咁快就降落桃園機場喇
永遠等行李都係最心急的！快d到啦......，其實急都無用，還要等另外兩位朋友，因他們搭國泰機的！
我們先去N點
我同朋友就先去買電話卡，今次分別買了大哥大同中華，試過後，發覺大哥大網速比較快
老婆就去ATM拿錢，相信好少再有人去找換店唱錢啊？
等齊人後，就買5502車票去忠孝復興站，因最快就係他們開出
朋友有尿頻症，一個人帶三個尿袋！
車終於都到了，放好行李就上車
這車既坐位好闊好舒服
大概一小時車程就到忠孝復興站，一落車就見陰陰天！不過都係先去酒店先
這邊總共有三間Sogo之多，不過都係行下附近小商店多
大概十分鐘路程就到達，就在忠孝敦化站2號出口，落雨又可行地下街去搭機場巴士，好方便
酒店樓下有星巴克
酒店大堂在12樓，先辦理手續，但15:00才有房間提供，所以先寄存行李，然後出去食午餐
以上係房間相片，特別沖涼個水壓好夠，超爽啊
估唔到市區都有間洪瑞珍專門店，不過無興趣試heehee
行了一陣就到品川蘭，這店被CNN評為八大必食牛肉麵店之一，到底係咪咁誇張？試下就知
我們被安排坐在覓雪上次坐既位置，又可影下個燈籠
睇完餐牌後，我們就點了紅燒筋肉雙盛牛肉麵、筋肉雙盛牛肉麵、東北牛肉醬麵、牛肉卷餅、薑絲龍鬚菜、洋蔥拌牛肚、醋溜雲耳、湘茄霞肉、純手工烏梅汁X4、白甘蔗檸檬，埋單$NT1260蚊
純手工烏梅汁:這烏梅汁好濃好醒神，喜歡的會飲完想再飲，唔錯
薑絲龍鬚菜:無咩味道，純粹係食個爽脆口感，我就覺得一般般
洋蔥拌牛肚:鹵水味點到即止，唔會太搶，牛肚軟腍適中
醋溜雲耳:調味偏淡，唔太吸引！
湘茄霞肉:其實就無咩特別，不過個醬汁調得很溫和，幾討好
終於要品嘗八大必食既牛肉麵喇，我們先試個清湯的，不過這麵條唔係我喜歡的，但麵條口感有些輕微QQ，唔會好彈性的，湯頭牛味濃得黎剛剛好，唔會好強烈，但入口很順喉，同林東芳有得比較，不過這裡份量就少些，但麵質一定比林東芳好
牛肉厚薄不一，但重點係夠腍而又不失肉汁，好掂
紅燒筋肉雙盛牛肉麵:紅燒個湯頭更加豐富，我個人比較喜歡的，而且牛筋都好腍
東北牛肉醬麵:所為既東北醬我就唔多識，但撈完個麵後，發覺同茄子個醬應該一樣的
紅燒牛肉湯:不過就配多碗紅燒牛肉湯，而且這碗係無麵浸住而影響到個湯頭的，所以更加品嘗得到真正的湯頭
牛肉卷餅:牛肉卷都幾多牛肉，係我見過最多餡料的，但個餅就普普通通啦，都可一試既
食緊野中，有同事打黎問野！
單據
點知外面落起大雨，我們就決定去Sogo行下先，好彩場雨落一陣就停，朋友亦在街店買到衫同褲，好開心
行到餓餓地，就去了和茗甘味處食下午茶，自從上次台北之旅後，就愛上了綠茶既食品！已中毒了
這店係專食綠茶食品的，我們睇完餐牌就點了幾個套餐，分別係抹茶千層派佐霜淇淋、餡蜜翠冰聖代、御抹茶特濃冰沙、焙茶拿鐵冰沙、抹茶戚風蛋糕、抹茶千層蛋糕、抹茶起司蛋糕、鐵板抹茶熱蛋糕、抹茶熔岩蛋糕，埋單$NT1660蚊
御抹茶特濃冰沙:綠茶味道都幾濃，但有些澀口！
焙茶拿鐵冰沙:反而這個比較易入口，味道唔錯
抹茶千層蛋糕:只有綠茶味，沒咩感覺
抹茶起司蛋糕:無咩特別，芝士唔太濃
抹茶戚風蛋糕:蛋糕口感一般般
鐵板抹茶熱蛋糕:呢個初初只是貪得意點黎試試
淋上綠茶漿後，冰火相溶，又幾唔錯喎
抹茶千層派佐霜淇淋:麻麻地
餡蜜翠冰聖代:d糯米都唔錯，一次過有幾樣野食，唔錯
抹茶熔岩蛋糕:其實就係心太軟，不過真係幾流下架
單據
食飽後繼續行街，途經呢間店見到好多人圍觀，到底係咩咁吸引呢？
原來係飲品，應該係新店，好像叫花甜果室，可惜現在已飽肚，留待下次！
呢隻貓貓好可愛架，見到我地就跑到門口想出黎
見到純萃有平喎，今晚買些回酒店飲先heehee
行經一禾堂麵包店，本來行程係要黎買麵包當第二日早餐的，但行程改了，所以黎到就入去望望
睇介紹就幾吸引，唔知係咪咁正！
款式唔多，可能就關門吧！
晚餐在火之舞蓁品燒和牛放題，訂了8點鐘，任飲任食2小時，因為係假日，所以要$NT799一個人，另外有10%服務費，埋單$NT4395蚊
餐牌
最喜歡用真炭去燒，烤起黎都特別有味道
團友先黎一杯大啤，我就例牌飲可樂
宜蘭黑豬五花
頂級牛小排
橫隔膜(限量)
小牛胸腹肉
紅白味噌土雞肉
特選極黑霜降牛
蔥鹽牛舌
骰子牛肉
潮鯛下巴、一口花枝
北海道帆立貝、岩鹽海大蝦、鳳螺、東石生蠔
雞軟骨(右邊)
澎湖軟絲
玉米栗
青椒
霜降薄牛肉片洋蔥沙律:這個牛肉片沙律超好味，牛肉油份足，好快就追加多一碟
和風沙律
烤蠔要小心爆殼，其實都幾危險
北海道朱古力熔岩漿
白玉紅豆抹茶雪糕
整體除返210港幣一個人都算唔錯既，不過兩小時真係食得比較急，一急就容易飽！海鮮比較普通，唔算有特別的，帆立貝比較難燒又無味，口感唔好，但牛肉、豬肉係唔錯，但我覺得雞肉好嫩滑好食，沙律亦ok，一試無妨既
單據
食飽後又要散下步消化下
行經鬆馳熊餐廳，可能都幾夜了，裡面唔太多客人
之後買了杏仁豆腐花同杏仁茶返酒店享用
因為唔想行太遠，所以在樓下檔鹽水雞買了雞脾同青瓜，不過雞肉比較粗糙，味道亦一般，比我食開的那檔差很遠呢！
杏仁豆腐花:杏仁味好濃，但整碗都幾水下，豆腐花唔似港式的，一般
杏仁茶:味道唔太甜，都ok
沒有留言:
發佈留言