外灘軒京川滬菜館

早排行過天盛商場，見到這間外灘軒有些晚飯優惠，阿媽話想試下，所以兩個人坐低後，就點薑蔥醃仔蟹、酸菜魚頭、招牌炒飯，埋單$2XX蚊



薑蔥醃仔蟹:醃仔蟹大小適中，唔會好細隻，而且係新鮮貨，味道亦調得唔錯，唔會好咸的



隻蟹都幾多膏架，$48優惠價算唔錯



酸菜魚頭煲:魚頭份量都幾足，魚肉亦好嫩滑，一點腥味都無，酸菜要煮多一陣先出到味，整體唔錯



招牌炒飯:材料有蝦、魚塊、珊瑚蚌等等，炒飯底亦夠干身，唔錯



單據

再臨潮汕八合里海記牛肉店

早排同朋友一行四人再去深圳潮汕八合里海記牛肉店火鍋，因為上次個個都食得好滿足，不過今次就做完腳底按摩先過去，所以比較夜左，所以要等位喇！



等了幾個字才有位，睇見好多野都賣晒咁款！特別係多人選擇既肥牛部位同生打牛丸都已賣晒！



醬料及配料



牛既各部位分佈圖




餐牌



今次點了藥膳牛尾鍋湯底，然後再點辣味牛肉串、牛胸爽X2、牛肚、熟板筋、牛腩、肥牛X2、雙層肉X3、牛筋熟丸X2、牛筋X1、娃娃菜X1、白蘿蔔、生菜、啤酒X6罐、可樂X1，埋單614蚊.



調定個醬料先



辣味牛肉串:牛肉串唔係半肥瘦的，咬落有點嚼口，但唔會好韌的，非常唔錯



牛筋



牛肚




熟板筋、牛腩





牛胸爽







肥牛、雙層肉:肥牛好正，食了好多碟，個個都食到夠晒皮！



終於等到湯底滾起，好肚餓喇，個湯頭亦係比較淡，同埋無咩藥膳既味道！



牛尾:份量都幾多架



熟板筋:口感唔錯，半筋半肉



熟牛丸:其實都唔比生牛丸差好多，一樣好多肉汁架



單據

西貝莜面村

早排放假同朋友2個人上了深圳食午餐，我主要想食羊蠍子，朋友就想食烤羊肉，他就建議去西貝莜面村，其實西貝莜面村既名氣好大及分店多，但其實亦出名又貴又唔好食，但深圳食羊蠍子既店唔多！



我們去了香蜜湖分店，裡面係開放式廚房，環境整體感覺很乾淨同光亮，近門口就見面這鍋羊蠍子heehee





我們坐低後，睇了餐牌就點了羊蠍子小煲、冷榨胡麻油調黃瓜、熗炒牛心菜、烤羊排，可樂X1、啤酒X2，埋單$368蚊



羊蠍子小煲:份量唔算好大，但羊蠍子都幾大舊下



終於都等到滾起，我等唔切喇



我咬了一啖後，有些小失望，肉質煮得唔夠腍，正常係要骨肉分離的，而且又唔太入味，個湯頭亦有點咸！



薯粉



都ok



冷榨胡麻油調黃瓜:味道又幾好喎，青瓜都夠脆口



熗炒牛心菜:普普通通



烤羊排:羊排層皮好鬆化，而且肉排帶點肥膏，咬落都幾嫩，羊味好足又唔羶，幾好



單據

三聖邨泰海鮮@母親節

上星期六一行四人去了屯門三聖邨食海鮮，提早同阿媽慶祝母親節，不過先去買海鮮先，現場都有好幾間賣海鮮既店





不過我次次都係幫襯榮利記，因為價錢合理又唔洗點講價



睇完海鮮後，就決定買瀨尿蝦X4隻、九蝦1斤、花螺1斤、龍蝦X2隻、元貝X4隻、黃油糕蟹X4隻、細桶蠔等等，埋單$1125蚊，還送了湯料，有沙白同龍躉頭，份量都唔少架^^



瀨尿蝦X4隻



九蝦1斤



黃油糕蟹X4隻



龍蝦X2隻



花螺1斤



元貝X4隻



細桶蠔





買齊海鮮就去了泰海鮮，因為一早訂了檯，所以即刻有可入座，原本想幫襯興記的，但因用餐有限時，所以決定去返這間，之後同職員交代海鮮怎煮法，椒鹽瀨尿蝦、白灼九蝦、白灼花螺、上湯伊麵龍蝦、蒜蓉粉絲蒸元貝、清蒸黃油糕蟹、薑蔥桶蠔，另外再點了蒜蓉炒通菜、泰式菠蘿雞肉炒飯，埋單$889蚊.





醃蘿蔔:蘿蔔味道醃得都幾好，唔會太過酸又脆口，幾開胃



白灼九蝦:今次九蝦唔算太鮮甜，不過肉質幾彈



椒鹽瀨尿蝦:外殼炸得夠乾身，淡淡既椒鹽味，一點都唔搶



瀨尿蝦好飽滿好夠肉，而且肉質夠晒甜，本來想買斑馬瀨尿蝦，但我唔鐘意牠肉質比較腍身



薑蔥桶蠔:蠔味唔算濃，但勝在幾大隻，用薑蔥爆真係一流



白灼花螺:隻隻都新鮮，師父灼既時間剛剛好，好味



上湯伊麵龍蝦:賣相都幾好，不過可能呢隻龍蝦蝦味比較淡同細隻，所以伊麵無咩味道，比較淡口



不過最緊要阿媽食得開心，淡淡肉比較實在，而且蝦肉剛剛好熟，唔錯



清蒸黃油糕蟹:即係醃仔蟹，唔算好大隻，唔知多唔多糕呢？



一打開個蓋就有點失望，唔算好多糕！





好彩d糕都幾香，蟹肉亦鮮甜



蒜蓉粉絲蒸元貝:呢次元貝唔太大隻，但最緊要係無蒸過火，咬落唔會韌



蒜蓉炒通菜



泰式菠蘿雞肉炒飯:整晚贊得最多就係這個炒飯，粒粒分明，味道調得好好，最重要係菠蘿好鮮甜，一點都唔酸，下次一定必點



沙白龍躉湯:湯頭加了少許胡椒，都算ok



單據:其實泰海鮮本身都有海鮮點的，價錢亦包了煮既費用，例如桶蠔亦比外面海鮮店平，所以最好睇了餐牌再決定買什麼海鮮，這樣比較精打細算些^^