今日早午餐真係期待已久，亦係早兩星期打電話黎訂定的，到底這間小六食堂係咪傳說中咁平靚正？一陣試下就知道，因為還未正式開店.
所以在附近行下先，又見到日本藥店，我們買得最多係蚊藥水，好好用的
見到前面間7仔，其實這裡有間店又係勁多人排隊的
就是這個麻糬檔，呢間隱藏檔生意好到不得了架，不過下午才會開，所以呢次無緣了！
返到去小六食堂剛好十一點半，其實可以在門口先睇下餐牌先既，不過黎得都係食刺身飯的
店內環境唔算好大間，所以好容易就爆
我們點了小六海鮮井、特上海鮮散壽司、星鰻井、生魚井加炸蝦天井、生魚片定食、輕燒比目魚鰭邊肉、芥辣八爪魚、埋單NT$1672蚊
小六海鮮井:相信台幣NT$170的價錢，在香港好難食到咁高質既魚生飯吧？材料分別有鮪魚、紅魽、鮭魚、劍魚、干貝、甜蝦等等，而且魚生係厚切的，不過鮪魚就唔係日本貨，口感及味道都一般，其它就一流
生魚片定食
有米飯
麵豉湯
菜
無試
茶碗蒸
生魚井加炸蝦天井
星鰻井:星鰻味道一點都唔腥的，肉質咬落好嫩
特上海鮮散壽司:我覺得主要多了個海膽同三文魚魚卵，
海膽好新鮮
呢種三文魚一睇色澤就知係靚貨，油花分佈勻均，應該係挪威品種的
輕燒比目魚鰭邊肉:呢個係我們必食的，油份重，入口即溶，正啊
芥辣章魚:份量太少了！
單據
食飽後，又繼續下一站
前面係四平陽光商圈，行入去就係富霸王豬腳
睇下幾多人排緊隊！不過好彩唔洗排好耐就有位
睇賣相就幾好，而且有些熱門既食材已賣清，真係快手，我們坐低後就點了潤白豆腐、鹵蛋、甘美苦瓜、燙青菜、腳蹄、白蘿蔔湯，埋單NT$315蚊.
潤白豆腐、鹵蛋:鹵汁味道比較溫和，唔係潮式既濃度，但都唔錯
甘美苦瓜:這苦瓜好甘甜，唔多苦同臭青味
腳蹄:一咬落成口都黏住晒，膠質好重，而且炆得好腍下
白蘿蔔湯:湯頭清清地，幾好飲，蘿蔔好甜
燙青菜:都唔錯
大合照
食飽後行過這間茶湯會，好像幾多人排隊，決定試下先
款式都幾多
係咪真的做得到啊？
我就點了杯觀音拿鐵，味道淡到我都唔想飲落去，又係得個講字！
然後出發去迪化街，因朋友要買烏魚子做手信
老婆又去返上次那間店玩狗狗，一家三口，不過超肥！
今次決定去豐味飲杯果汁，睇下係咪咁正先
土芒果果泥雪糕、鳳梨冰沙、另一杯唔記得，不過鳳梨冰沙味道都幾好飲，土芒果果泥雪糕都ok
之後行過呢間賣菌類店的
價錢同品質都幾好，買了姬松茸、香菇同木耳，好抵
買完手信，就去食埋個臭豆腐就走人，這檔臭豆腐炸得好鬆脆的，味道又唔錯
行過見到有菠蘿賣，NT$150兩個，即刻買兩個返酒店，晚上宵夜食
我們從迪化街慢慢行去台北車站，其實路程唔太遠的，順便消化下
好多學生喜歡在這裡玩跳舞遊戲，一班人一齊跳
而我主要係去108抹茶茶廊，品嘗綠茶甜品
我們坐低後就點了原味外皮、抹茶卡斯達口味燒餅、抹茶外+紅豆口味燒餅、抹茶舒芙蕾起士蛋糕、焙茶豪華聖代、抹茶黑糖果凍聖代、108特級聖代、抹茶漂浮冰沙、冰抹茶等等
原味外皮、抹茶卡斯達口味燒餅:我最喜歡這口味，餅很軟熟，裡面流沙既抹茶卡斯達好夠味，好正
抹茶外+紅豆口味燒餅:相反紅豆就顯得一般些
焙茶豪華聖代
抹茶黑糖果凍聖代
108特級聖代:其實每款聖代都係差不多，只是材料配搭唔同，但絕對唔錯的
冰抹茶
抹茶漂浮冰沙:冰沙打得好幼好滑，而且綠茶味又夠，非常順喉
抹茶舒芙蕾起士蛋糕:係咪好似海棉蛋糕呢？咬落有淡淡綠茶既味道，唔錯
食飽後就所回酒店沖個身，然後出發去食晚餐
今晚這餐又係期待已久，因為馬辣出名多選擇，我指既係雪糕啊heehee
我們當然一早就訂定位啦，而且講明會上他們網頁贊一贊，因為會免費有阿根廷紅蝦任食的
MOVENPICK雪糕都有好幾款啊！
Haagen-Dazs雪糕就更加多
有甜筒提供
果汁
汽水、啤酒
花茶
醬料
甜品
水果
各種食材
我們選鴛鴦鍋，正正常常
整定個醬汁先
阿根廷紅蝦:都幾大隻下，我第一次食，肉質還可以，都幾甜
肉類切得太薄了，不過羊肉都唔錯
整棟都係牛，而且係唔同既牛
豬肉都ok
牛肉我們點得最多，點完又點，食了超多碟啊，牛肉質素唔錯
蟹都選實肉的，因係雪藏貨，有些肉質都霉霉地！蜆就幾甜及無沙
鴨血係任食的，但要問職員拿
整體馬辣咁既價錢食到咁既質素，相信好值回票價，如果再黎台北，我一定會再幫襯，實在太滿足了^^
食飽後，老婆把握機會在附近掃貨，d衫真係好平，所以住呢頭都真係好方便
回到酒店又繼續開餐喇heehee
沒有留言:
發佈留言