咁多日都未有機會試下酒店既早餐，反正今日有時間，就去睇睇，反正酒店包早餐的
以下係早餐食品
我就隨便食下粥，一陣等老婆醒了再出外食過
喬東家既脆皮火燒係好出名的，而且打著舌尖上的中國作招牌，所以應該唔差掛，同埋之前行過都見到有人排隊，因為還早，見無咩人就買黎試試先
自動烤肉串機，但都係炭燒既好
脆皮火燒:即點即做，外層夠脆，帶點咸香，餡料都算足，唔錯
之後行過隔離就係陸老爹豬腳，這店相當有名架，裡面坐位唔多，所以經常要排隊
睇到d湯頭顏色好深，好似很吸引
店裡亦有串串香，就放在我面前，但吸引唔到我既
牆身有介紹食豬腳既好處，主要係骨膠原囉
老婆點了剩豬腳
我就點了豬腳米線
湯頭濃而不咸，而且帶有微微既藥材香味，非常順喉及好飲，豬腳即鹵得夠入味，好食
單據
之後慢慢行去盤飧市
這店的鹵水可以話全成都最好，相當老字號的，但價錢當然亦最好啦hahaaaa
我們買了鴨舌黎試，唔知係咪食慣了潮州式的，相對這店會較淡，感覺係點到即止，但可能我食得比較濃味些，但都ok的
之後繼續搵食，我們午餐要去一個比較隱蔽既店，唔係咁容易找到，網上地址就係出面既車店，車店對面有條巷行入去
呢度係住宅區，因為係私房菜，所以很家庭式，我們都要問下人才搵到！
這店叫張記鱔魚麵，不過最出名最吸引既係松茸燉雞麵，可惜已賣光，因我們到步已過了午餐時間，不過好彩還有松茸燒雞麵，一於點一碗試試，還點一碗招牌鱔魚麵，埋單$85蚊
招牌鱔魚麵:估唔到都幾大碗下，鱔肉很新鮮很有彈性，食得出係野生的，不過湯頭就普通些，唔太辣既
松茸燒雞麵:松茸係選用新鮮貨，好香濃既菌味，如果係燉的一定更美味，不過這湯頭真係好好飲，雖然搵得辛苦，但值得
醃蘿蔔
食飽後就去了宮廷糕點買手信，大家見到咁多人排隊，都知這店名氣有幾爆啦
但講真這店既糕點確係美味，我之後試了
我就買了一大盒，成幾公斤重！然後返酒店休息下
睡到下午五點幾起身，然後出發去金牛區萬達廣場那邊食晚餐，今晚約了成都老朋友見面，不過俾大家睇下放工時間，地鐵站係幾咁多人！
我估起碼都幾百人啊，嚇死人喇，最慘還要安檢！
朋友帶了我去老味道重慶火鍋店，不過她帶得一定係又地道又平宜
裡面既環境
點餐紙，價錢很實惠
因為知我們唔食得辣，所以就把清湯同麻辣調轉，但這麻辣湯頭好明顯比蜀九香濃得多，個女部長很熱情既招待，可能見係熟客既朋友啦，不過她都在深圳打過十幾年工，所以很好傾
同我成都老朋友黎個合照先，我們相識都有八年有多，她一個人黎成都做服裝生意，現在做到上晒軌道，而且她係國家隊打網球的，不過係打公開賽，所以經常有得出國架。嘻嘻
手打蝦丸:都幾彈性，而且唔粉的
鴨掌
大白菜
極品毛肚
雞腳
冬瓜
雪花肥牛
霸王牛肉:呢個牛肉因為係帶筋，所以肉質又濃又有彈性，必點
香豆腐:這店既香豆腐就好味得多，夠晒彈性
鴨血:超級滑滑，也老婆都贊好，而且夠新鮮又唔腥
新鮮海帶:很爽脆
菌類
唔記得係咩魚，但無咩骨的，都唔錯
合桃花生漿，都幾好飲
沒有留言:
發佈留言