新粤塔里木河清真餐廳

在深圳華強路買完野，話咁快又到晚餐時間，我們選擇在新粤塔里木河清真餐廳，地點就在午餐既隔離



地下有廚師在炭烤羊肉，感覺幾吸引下



環境都幾好，坐得舒服，可惜今晚無表演，因為齋戒日，我們坐低睇完餐牌後，就點了新疆紅柳烤肉、西域大拌菜、風味烤羊腰、熗炒蓮花白、爆炒肚片、燉羊肉、酸奶、啤酒、茉莉花茶，埋單372蚊



茉莉花茶:其實係桔仔檸檬茉莉花茶，味道唔錯



熗炒蓮花白:呢個都係我既最愛，蓮花白炒得幾脆口，味道亦唔錯



爆炒肚片:肚片咬落好有彈性，一點都唔韌架，份量又足，味道又唔腥



西域大拌菜:平時我好少點沙律黎食，不過這店既沙律人氣好高，所以無理由唔試下嘛！蔬菜係好新鮮，不過重點係個醬汁，味道真好開胃好正




新疆紅柳烤肉:呢個烤肉我們已經期待了成個月，本來想點手抓羊或烤羊排的，不過我就話先試下隻牛肉先，好食才再點，我亦多口問問職員，d羊出產係咪新疆的？職員話係新疆直送，因為我見係用紅柳枝串住d羊肉，係幾正宗既，不過當我品嘗過後，發覺羊味比較偏淡，我就覺得一般了些，但肉質係很好的，烤既時間亦好好



風味烤羊腰:我點單時講了兩次係要一串，點知黎了兩串！我第一次食羊腰，唔會有那種異味，但不過成舊食，因有些肥膏黐住羊腰的，如果整舊食就會好滯架



燉羊肉:餐牌係叫羊蠍子的



還配上生菜



終於滾起喇



羊蠍子煲到好夠腍，但肉質同時亦煲到好粗糙，像湯渣一樣，蘿蔔亦唔甜，不過個湯頭就非常好飲，淡淡既羊味，我非常喜歡



啤酒



酸奶:我朋友就好喜歡食，我就好麻麻地，但都要試試，特別第一口我真係有些接受唔到，唔係很酸，係好濃芝士既味道，口感亦好滑好滑



單據



即刻免費入會，還有折扣優惠的^^

繆氏川菜

昨天同朋友兩個人又去了深圳飲飲食食，上次試了巴蜀風覺得質素差了，今次就試下繆氏川菜，這店價錢合理，應該唔錯的^^



今日早上有野要忙，所以要下午兩點才到達，整個場只得我們一檯客人，我還怕會否落了場無得食架？好彩還在做生意的heehee



環境都幾好



我們坐低後，睇完餐牌就點了巴蜀老壇子、蒜茸青瓜、夫妻肺片、老壇酸菜魚、豌豆燉肥腸，原本單據係$147，還後加啤酒X2、可樂X1，埋單$137



點完菜後，職員就放低了這計時器，我問係咩一回事？職員講餐廳規定客人點餐後，必須35分鐘內出齊菜，我再問如果超過了時間，菜選未黎係咪免費先？職員只有笑笑口，並沒有回答這問題，我們亦無再追問



蒜茸青瓜:味道還算唔算，但因為青瓜唔係拍過的，我覺得口感無咁好，但都ok的



夫妻肺片:聽就聽得多，食還是第一次，初初還以為會好辣的，但又唔算喎，而且都幾好味喎



巴蜀老壇子:我喜歡既老壇子一定要夠凍，酸辣要分明，肉質爽脆，不過這店明顯無巴蜀風做既好，這碟老壇子夠凍，不夠酸，口感亦唔夠爽脆



老壇酸菜魚:我首先想講講這酸菜魚才$30蚊一份，真係好超值，而且魚肉真係好嫩好嫩，最重要一點腥味都無，酸辣味道亦唔會好搶



豌豆燉肥腸:見到呢個肥腸真係忍唔住笑了出黎，同朋友邊談邊食非常開心，完全忘卻了還有菜未黎，突然計時器響起，嚇了我們一停，就叫職員過黎話肥腸還未黎，我又追問係咪呢碟會免費架，職員又係笑笑口就離開，之後拿著肥腸過黎話呢碟免費的^^，這碟肥腸既腸味超強烈，如果喜歡食大腸既一定會喜歡，肥腸咬落亦有彈性，豌豆我就麻麻地！



單據