今日早餐去了金峰魯肉飯，黎台灣又點可能唔試返碗呢，雖然我對魯肉飯無咩感覺，但老婆就比較喜歡，金峰都幾出名，地點又方便，所以決定一試
店就唔算大間，但都有遊客黎幫襯
我們睇完餐牌後，就點了湯通菜、魯蛋、魯肉飯、肉羹湯、蛤蠣雞，埋單$NT160蚊
湯通菜:通菜好又嫩又脆，好正
魯蛋:鹵得好入味
魯肉飯:其實我印象中，好少機會走去食魯肉飯，老婆就會接觸多些，所以我品嘗第一口時，腦中即刻靈光一閃，點解咁似咸肉粽的味道，但味道係好溫和，一點都唔油膩
蛤蠣雞:湯頭都ok，這價錢已贏晒
有蜆肉
雞肉，我覺得係選用火雞，因雞件好大舊下
肉羹湯:甜甜地，無咩特別，但豬肉幾彈性
大合照
單據
食飽後就行去中正紀念堂，因為就在附近
今次係第二次黎，上次建築物在裝修中，而且還遇上宋美齡過生，我們還有去參拜
一上到紀念堂，已見很多人群在拍照
呢些護衛兵真係唔會郁架
蔣中正總統俏像
原來剛遇上護衛兵交班時間，唔怪得咁多人啦！
不過我覺得唔好睇，無咩睇頭
還有專人幫他們整理衣服架
睇完後，我們就去下層參觀
這裡有好多抗戰的油畫
睇完就出發去午餐
我們午餐去了盛園、因為就在附近，又睇電視講到咁好味，唔試唔心死果隻
裡面有免費既糖食
d職員不停咁包
每人派了一小杯黑芝麻，又幾香濃喎
我們點了絲瓜小籠湯包、蟹黃湯包，埋單$NT340蚊
絲瓜小籠湯包
等我咬一口睇下先，嘩！一d湯都無既？心知不妙喇......
咬了一啖，發覺味道好淡好淡，只食得到絲瓜味
蟹黃湯包
湯汁會多些，味道一般
蟹黃咬落比較實，有蟹味，但唔算很濃
泡菜:免費提供，但唔係韓國味道
薑醋
食飽後，就去到台北車站的地下街，d網友講又大又多野賣，所以就黎見識見識，會否同韓國的高速地下街咁多野睇呢？
這裡好大，主要分R、Y、Z三區
我就先行Y區，人流唔多，感覺條路好闊
好似返了大陸d商場咁，好多玉器、衫褲鞋物都係好鄉村的！
如果喜歡動漫既人就ok,因有好多動漫模型、公仔等等
睇見都唔會買果隻！
行到有些累，就入去這廣場睇睇
這裡有個Food Court
行經呢間賣綠茶食品的店鋪，好似幾吸引
原來係來自日本北海道的一〇八抹茶茶廊
有好多綠茶食品
大判燒餅
我先點了杯綠茶沙冰($NT145)，先講個雪糕，超濃牛奶味，而且極滑，綠茶沙冰都好濃味，而且唔澀的，強力推薦
現在有抹茶梳乎里試食，口感軟熟，本來想買返香港，但唔近我們酒店，所以放棄
原味外皮抹茶卡斯達加紅豆
如果用$NT40買到一個，真係超值啊，紅豆口感好麵，入口順喉，又不會很甜，香港唔知要賣幾錢呢？heehee
呢個係Z區，賣既野差唔多，亦有食市
R區比較多書賣
我順著行去赤峰街
原本想飲下午茶的，點知很多店都已關，可能星期一的關系，所以行了一圈就出發去寧夏夜市
赤峰街地圖
呢間CoCo好多分店的，亦係我好想試的一間，但之前一路無機會，我就點了一杯珍珠奶茶
點知味道淡到呢！
寧夏夜市附近
因為還很早，所以未開檔
前面這個建築物係咪好靚呢？
這棟建築物前生係葉金塗古宅，現在係星巴克
我們就上去參觀下先
其實有三層高，但每層都爆滿
呢個女仔一定坐了好耐
然後行去對面間家樂福超市，去旅行我最鐘意逛街市同超市
雪糕鐵塔
好平啊，不過我們掃了好多公仔麵
然後出發去寧夏夜市
好多檔口已開，人流唔算多
呢檔芋餅同芋丸勁多人排，一定好美味，其他檔口真係比下去！
我就放棄了排隊，我對芋頭很麻麻
終於行完一圈，係時候去開餐喇
第一站係麻油雞，台北很有名架
裡面有好多本地客，不過店真係比較細，所以要等位，不過好快就有，我們點了麻油雞、油菜，賣單$NT225
麻油雞:應該又係火雞，雞件份量好多，件件都好大下，不過雞肉又幾好味喎，湯頭就係麻油同酒既味道，唔係每人都岩飲
生菜好味，因個醬很正
隔離檔隻火雞幾大
第二站係虱目魚
虱目魚
虱目魚
當然呢間亦係比較出名的
我們點了虱目魚湯同虱目魚小肚，埋單$NT180蚊
虱目魚湯:湯頭魚味唔會很濃，但完全唔腥的，魚肉就算把啦
虱目魚小肚:這個賣相就吸引得多
用筷子一夾，個皮脆如薯片，魚肉很嫩滑，而且油份好多，好味
第三站係煎蚵仔，認住這個賴先係好野
睇見都流口水啊
無論材料、粉漿都係好出色，特別係果些醬，配合得好好，食一碟真係唔夠，但要留肚，無法啦！
呢檔飯團竟然無開，激死！
這檔叫王家米粉
第四站係隨便在賣魷魚羹的檔口，老婆想食炒米粉，我想食魷魚，各點一碗，埋單$NT90蚊
炒米粉:比較普通
魷魚羹:但這個羹就極美味喇，魷魚量好多，厚切，食得滿足，個羹亦鮮味十足
睇下我們食得幾開心就知啦
本來打算回程，點知在夜市對面有檔賣飯團的，還寫住古早，我就被吸引過去，老闆係一個老婆婆
不過我臨時幫下婆婆手，她要去補充材料，因前面幾個人買好多個！
如果古早飯團係有咸蛋、鹵蛋、好多不同醃菜選擇架！不過我就要上海傳統的就夠了
d飯都幾熱辣辣喎
睇下幾大個飯團
再大特寫些，小朋友唔好學啊，我經常訓練架
這個飯團肉鬆唔同阜杭的肉絲，肉鬆係較香脆，但一定要夠乾身，這檔古早飯團同阜杭都係一流水準，兩者都咁出色
在夜市買既鹵鴨舌同鹵肥豬，點知原來還會拿去炸！我頂，我最討厭的，炸到硬晒有乜好食呢？何必呢？
杏仁茶:味道好濃，又不太甜，好滿足啊
沒有留言:
發佈留言