去買了些簡單的早餐就出發
途中先去入油，新疆入油站都要先安檢及識別個人資料，除了司機外，所見人都必需落車！
補了油就繼續上路
途經一處小村鎮，有個街市
賣既都係日常食品
我們先在這裡食飯
我就點了韭菜拌麵、蕃茄炒蛋拌麵、羊肉串、涼皮等等
羊肉串即點烤，味道都唔錯
涼皮:無試
韭菜拌麵:麵既份量係好大碟的，而且係可免費再加麵底的，韭菜味唔太濃，但個汁係有羊肉碎的，味道幾好，麵條都ok
蕃茄炒蛋拌麵:無試
食飽了後，再繼續出發去南山
d馬真係夠晒自由，隨處走
離南山越來越近了
呢度真係車都好少
現在睇到既風景真係比相更靚
新疆地大物博，要黎感受一下先會知道
又係一群綿羊
呢個地方都有很多民宿，但一般只做春天同夏天
我們只去到這裡，再行前既路面都不太好，又多碎石！
呢些小山丘都有五彩色的，雖然唔算壯觀！
沿路某些風景係好靚
我們跟經天山大峽谷，主要係去個洗手間
路邊都種了些蘋果樹，唔好睇小咁迷你的蘋果仔，但其實係很脆口同甜的
返到市區，今晚去這間歡樂納瓦餐廳食晚餐，又係一大班朋友聚餐，每餐都有人請客！新疆人真的好熱情
這餐廳既裝修都幾靚
朋友訂了巴旦木這廂房
無記錯朋友講這公仔人物叫巴依，即以前既大地主
外面大廳，還有個表演既小舞台
今晚由梅姐點菜，納瓦手抓飯、納瓦珍珠麵、酸辣漏魚、三色烤包子、傳統薄皮包子、豪情手抓肉、綠辣皮子炒鵝蛋、碳烤牛腸、生烤鮮羊腰、油包羊肝、和田烤鵝蛋、碳烤羊心管、碧綠青萵筍、新疆古法陶罐骨頭雞、和田烤卡瓦、巴柯視傳燜烤羊腿、櫻桃蘿蔔炒羊肉、博斯騰大魚頭、納瓦涼皮子、回民菠菜拌粉條、涼拌牛頭肉、新疆椒麻雞
這個茶叫三泡台，我覺得幾好飲
朋友帶黎既白酒，聽他們講大瓶既好多係假酒，細瓶的就比較多真貨，不過我就唔飲酒的
我都係飲返呢些旦木汁，又好飲又有益
傳統薄皮包子:呢個薄皮包子好食，羊肉粒份量很多，而且羊肉係好有彈性的，味道亦調得幾好
椒麻雞:無咩特別
納瓦涼皮子:無試
涼拌牛頭肉:可能切得比較薄片，而且比些醬汁蓋過本身既味道，所以我覺得很一般
回民菠菜拌粉條:粉條幾有彈性，唔錯
三色烤包子:呢間無我之前買的那個好味，雖然都係果些材料，但就係差一點點
油包羊肝:咬落一點都唔腥，都幾好味
碳烤羊心管:朋友個仔話烤得唔夠熟，我就覺得無咩特別，咬落亦無口感的
碳烤牛腸:我指定要點的，因未試過，咬落唔太韌的，但只品嘗到香料既味！
生烤鮮羊腰:我今次無試到
納瓦手抓飯:手抓飯唔夠香，賣相認真一般！
和田馕包肉:個汁濃度適中，羊肉炆得幾腍
博斯騰大魚頭:湯頭都幾好飲，魚肉亦無腥味
新疆古法陶罐骨頭雞:呢個湯既味道比較清，但又放了些肥既肉在裡面！
豪情手抓肉:呢個唔洗多講，大大塊咁拿住食，好正
納瓦珍珠麵:d麵粒又滑又有咬口，幾唔錯
綠辣皮子炒鵝蛋:用小米椒爆香後，再用黎炒鵝蛋，幾香
巴柯視傳燜烤羊腿:又係要趁熱食，不過我覺得烤羊腿既肉會比較韌些！
碧綠青萵筍:無試
櫻桃蘿蔔炒羊肉:蘿蔔幾甜，如果切厚些就更好！
和田烤卡瓦:其實中間有點像手抓飯，然後再加些芝士，配上南瓜，個飯就甜甜地的
和田烤鵝蛋:我從未想過會烤鵝蛋食的，價錢唔平架，但我可以講鵝蛋既蛋白係好好食的，唔似一般既蛋白，它更有彈性的，黎新疆一定要試試
果盤
呢餐又係食得超飽！
餐廳係有跳舞及唱歌表演的
估唔到周星馳主演既西遊記仙履奇緣片尾曲都會有人唱hahaaaa
沒有留言:
發佈留言