老字號蛇口德記燒臘飯店

早幾日同家人三個人去了深圳蛇口走了一轉，因家姐想買些乾貨，我們在深圳灣出發，搭B737公巴到蛇口劇院落車，然後先去買海鮮，在市場行了一圈後，就決定買鮑魚6隻($10隻)、帶子6隻($7隻)、瀨尿蝦$50斤、石蟹2隻$75蚊、九蝦$60蚊、花螺$50斤，其實價錢同香港差唔多，唔加上人仔結算同埋內地係一斤得十兩的，埋單共$337蚊.



買完海鮮就去了德記燒臘飯店加工d海鮮




睇完餐牌後，我們就點了鹽焗雞例牌、燒鵝例牌、蒜蓉炒通菜、枸杞豬雜湯，而海鮮就果皮蒸鮑魚、蒜蓉粉絲蒸帶子、鹽焗花螺、白灼九蝦、清蒸石蟹、椒鹽瀨尿蝦，埋單$254蚊.



鹽焗雞:味道就好夠，不過隻雞肉質就較粗糙，唔夠滑，一般





燒鵝:整體燒鵝係燒得幾出色，味道亦唔會大咸，而且例牌既份量都幾多下




椒鹽瀨尿蝦:原本想白灼的，但家姐想食得惹味些，好彩這廚師處理得幾好，椒鹽濃而不咸，又唔會搶了瀨尿蝦既鮮甜，而且這瀨尿蝦都幾夠肉，唔錯



白灼九蝦:雖然細細隻，但幾鮮甜



果皮蒸鮑魚:鮑魚味超淡，失望



蒜蓉粉絲蒸帶子:帶子超級厚肉，而且蒸既時間控制得好好，肉質唔韌的，好正



鹽焗花螺:雖然係用鹽焗方式，但我好鐘意落了些黑胡椒落去，味道配合得好好，花螺隻隻都好新鮮



清蒸石蟹:石蟹係我既最愛，因為肉厚膏多



呢隻係重皮架



睇下幾夠肉，好正



蒜蓉炒通菜:炒得超爽脆啊，最重要係唔咸啊




枸杞豬雜湯:材料份量超多，豬雜完全無異味又新鮮，湯頭加了些胡椒粒去處理，好飲



呢餐好滿足啊





單據

潮汕八合里海記牛肉店

上星期同班舊同學一行六人去了深圳聚餐，因為朋友講黎深圳食潮汕火鍋又平又好食喎，特別推薦去潮汕八合里海記牛肉店，這日我們六點鐘就到達，唔洗排隊就有位^^



夜d就有師父在門口打牛丸，真係堅打架



這些溫體牛肉就掛晒在門口，睇住職員去處理，但好食既部份其實好快就賣晒！



醬料及配料



牛既各部位分佈圖




餐牌



我們坐低後就點了牛腩湯底、牛舌、牛胸爽X2、牛肚、匙肉X2、吊龍伴、牛朴肉、嫩肉、五花趾、三花趾X2、牛筋生丸X3、牛筋X1、熟板筋X2、濕炒牛河、娃娃菜X2、白蘿蔔、生菜、天地一號X2、可樂X2，埋單708蚊.



食潮汕火鍋，一定要配沙茶醬黎點，但我覺得比較沙茶醬淡口



朋友帶黎既茅台，成五十幾度，不過我唔飲酒的



呢支好野黎架



牛腩湯底:材料都幾足，湯頭唔算好濃，但放了材料後就越滾越好飲



牛筋生丸:這個真係不得了啊，咬落係爆汁架，牛味又夠又有些彈口，所以一定要點生打的



唔同既牛肉部位，我們差唔多都點了，職員很快手地送上



牛舌、牛胸爽:牛舌切得薄薄地，但咬落好有彈性，牛胸爽就更加唔洗講啦






d牛肉真係好新鮮，色澤好靚



我就簡單介紹下，其實平些既牛肉，肉味真係比較淡些，而五花趾同三花趾係我們比較推薦的，亦係價錢較貴及肉質帶有油花的，真係一分錢一分貨，所以五花趾好快沽清



濕炒牛河:無乜特別，主要沙茶醬真係比較淡



單據

呢餐每個人都食得好滿足，話下個月再黎這裡聚餐，香港食唔知要幾錢才可落樓！

好包

早陣子一行四人去了元朗食午餐，朋友介紹有間新開既賣包店幾唔錯的，所以決定一試



包類選擇唔算多，但就係即點即整的，特別有每月銷量排行榜俾客人參考，又幾唔錯



我們睇完資料後，就點了青醬雞翼包、豬腩肉包、洛神花蜜，埋單$84蚊



豬腩肉包:首先講下個包，外面脆脆地交足功課，而腩肉咬落一點都唔油膩，而且腩肉醃既汁幾好味，我們都覺得腩肉比雞翼好



青醬雞翼包:這店主打蜜汁雞習的，但我覺得太普通，所以點了青醬味，雞翼係去了骨，咬落啖啖肉，青醬都唔ok



洛神花蜜



單據