皇潮匯

早幾日一行四人去了荃灣廣場皇潮匯食晚飯，因為提早同外母食母親節飯，當晚一去到皇潮匯就有位，因為無婚宴，我們坐低就點了$1蚊冬瓜盅、木桶沙薑雞半隻、紅燒bb鴿一隻、蘿蔔清湯牛腩、金銀蒜蝦乾蒸勝瓜、干煸四季豆、紅炆班頭腩、XO醬西芹炒蚌仁，埋單$385蚊.

每檯只能點一個$1蚊冬瓜盅

睇下幾多檯都係吉的

$1蚊冬瓜盅:冬瓜燉得幾腍，可惜湯頭有點咸，雞粉落得太重手了

干煸四季豆:這個反而炒得幾香，唔錯

木桶沙薑雞半隻:這雞既肉質非常唔錯，咬落有點嚼頭及有雞味，有水準

紅炆班頭腩:不過不失的一道菜

XO醬西芹炒蚌仁:其實我覺得個廚師炒得非常求其，這碟菜非常淡，西芹又生又老又有渣！

紅燒bb鴿一隻:這隻bb鴿值得一試，外脆內嫩之餘，係好有鴿既味道，可能係bb鴿的關系，肉質比乳鴿更好

蘿蔔清湯牛腩:這個清湯牛腩比我既感覺係它們互不相識的，我相信材料係有人落單既時候才放入去，湯還湯、牛腩還牛腩、蘿蔔一定係剛落的，因為咬落都唔腍既，湯頭亦無牛味，牛腩更加唔好有期望

金銀蒜蝦乾蒸勝瓜:這碟較正常些，勝瓜很甜

紅豆沙:這個係送既，雖然普普通通，但我喜歡這碗係唔太甜

單據