蓬萊咖哩屋

早幾晚一行三人去了元朗蓬萊咖哩屋食晚飯，這店我一早就想試，剛好外地朋友話想食咖哩，當晚我們點了皇帝汁燴羊肉、咖喱牛腩、烤雞、薄餅、炸洋蔥圈、凍檸茶X3、埋單$380，雖然價錢有點貴，但質素有一定保證，只是份量比較少.

因為我們晚上九點半才去食晚餐，店裡面既客人都剛食完離開了，所以又包場食飯heehee

店員既服務態度都幾好，中、英文都可以，但原來有些係來自尼泊爾的

黑椒脆餅:每檯都會送上的

醬汁:蔬菜那個係酸酸地，白色那個就好淡，食唔到有乜味道

脆餅係用黃豆做既，真係做得好薄好薄，黑椒味亦香，唔錯

薄餅:熱辣辣剛剛整出黎，這個餅很香，咬落又軟熟，但切計要趁熱食

炸洋蔥圈:這個洋蔥圈係用蛋漿去炸架，所以食落會較香，洋蔥亦很甜，炸得非常好，應該只是輕輕炸一下，因裡面既洋蔥還很多汁的

白飯:飯質好似隔夜飯咁......

皇帝汁燴羊肉:這個汁真的很美味，我唔知點形容，但配餅或飯都係咁好，羊肉份量唔多，得果幾舊，羊肉羶味剛剛好，而且亦很腍

咖喱牛腩:首先這牛腩會有小至大辣選擇，我們要了大辣，望著這咖哩在想象會係咩味道既呢？到底係濃味定係好淡呢？原來這味道係好直接既咖哩，你唔會嚐到其它香料既味道，好唔好味要睇個人喜好，有別於一般落椰汁或香料的，但牛腩都煮得很腍

烤雞:烤雞唔有兩隻雞脾，但質肉好滑，我都幾鐘意

凍檸茶:有別於一般的茶味，很好飲

單據