板長壽司

今晚突然想同老婆去食壽司，但元朗實在無乜較有質素的壽司店選擇，所以決定去試試板長壽司，今次係我們第一次去呢間 壽司店幫襯，我們就點了燒油甘魚頭、吞拿魚壽司X2、蟹棒壽司X3、芥辣墨魚軍艦X2、蔥粒吞拿魚腩軍艦X2、帆立貝壽司X1、香葉宮城秋刀魚壽司X1、 魚背壽司X2、向螺壽司X4、北寄貝壽司X1、油甘魚腩壽司X2，以上唔係一碟計算的，而係一件件計的，埋單$320，廣告就講到板長壽司幾咁威，但質素 重差過板前，真係幾失望，服務又很一般，唔會再有下次了.

北寄貝壽司:北寄貝口感唔錯，但唔夠鮮甜

向螺壽司:這個向螺壽司係我覺得最好味的，向螺很厚肉同切得很大舊，口感一流夠爽脆，正

帆立貝壽司:比相中細件很多，味道亦普通

吞拿魚壽司:色澤差、味道差、口感差，同埋咬落都唔新鮮的感覺，簡直不知所謂差差差

蔥粒吞拿魚腩軍艦:擺明唔似係吞拿魚腩啦，味道同上圖的一樣，有被騙的感覺

油甘魚腩壽司:油甘魚腩就正常得多，油份夠重及入口有溶的感覺，但最衰係果點梅醬的味道太搶了，完全蓋過d油香味......

芥辣墨魚軍艦:唔夠芥辣、唔夠刺激，激死我喇

香葉宮城秋刀魚壽司:本來想點一條秋刀魚刺身的，好彩老婆話不如點一件黎試試先，

魚背壽司:魚背色澤好差，入口唔係即溶，油份唔香、咬落有筋的感覺，係我食過最差的

蟹棒壽司:蟹棒啖啖肉夠大件，味道唔錯，最欣賞底部加了些木魚，很香

燒油甘魚頭:明明推薦寫住係魚鮫

油份都幾重，不過$75蚊黎講，都算ok既