悅香飯店

今晚一行四人去了灣仔悅香飯店食晚飯，之前老婆食過一次，話這裡的雞很好味的，所以同家人一齊黎試試，我們點了杏汁豬肺 湯、金牌香妃雞(半隻)、燒鵝(例牌)、欖角炒肉鬆四季豆、土尤蒸肉餅、生炒骨、咸魚雞粒炒飯，埋單$649蚊，同埋今晚招呼我們的這個老職員服務及態度 都很好，唔知係咪個場唔係太多人的關系呢？

杏汁豬肺湯:材料非常足，個非常之清甜，特別係杏仁既味道特別突出

杏仁大大粒

金牌香妃雞:呢個係招牌菜黎，我見每檯都必點的，雞係新鮮的，雞味十足、雞肉一d都唔(鞋)，肥膏又少

燒鵝:比我想象中差，因為味道唔係特別，皮亦唔脆的，因為唔係剛剛烤出黎的，同埋隻燒鵝無乜肥膏的

生炒骨:我覺得算合格，d肉咬落好腍唔會太乾，醬汁甜酸適中

土尤蒸肉餅:呢個肉餅真係蒸得好好味，d肉好腍唔會死實實，同埋調味調得剛剛好，果然有驚喜

欖角炒肉鬆四季豆:四季豆炒得幾入味，唔會好臭青味

咸魚雞粒炒:如果d飯炒得乾身些少就好了，同埋d咸魚唔太香，唯一要贊既就係唔會好油......